Panelistët në “Argument”: Ndryshimet Kushtetuese me rëndësi për vendin

Ndryshimet Kushtetuese domosdoshmërisht do të duhet të kalojnë nëse duam të kemi një stabilitet politik në vend, vlerësuan analistët politik në emisionin “Argument” në TVM2.

Sipas ish-deputetit Ismet Ramadani, edhe pse opozita Maqedonase VMRO-DPMNE-ja po dëshiron të tregohet se është parti e fuqishme dhe homogjene, ndërsa presioni ndërkombëtarë mbi ta do të rritet.

“Mendoj se VMRO-DPMNE-ja nëse edhe më tutje vazhdon me këtë kokëfortësi, ndërsa unë kam informacione se vlon diçka atje dhe e pengon ecjen drejt Bashkimit Evropian, sado që VMRO-DPMNE-ja dëshiron të shitet se është parti e fortë, është homogjene dhe e pathyeshme, presioni ndërkombëtarë mbi ta aq shumë do të rritet, sepse ata tani kanë shkelur në prishjen e një gjeopolitike, strategjinë dhe ata nuk e kanë gjetur as kohën e as momentin për të bërë rezistencë.”, - deklaroi ish-deputeti, Ismet Ramadani.

Nga ana tjetër, ish-deputeti tjetër Abdyladi Veseli nuk beson se mund të përsëritet skenari me ndryshimet kushtetuese për emrin teksa thotë se për t’i kaluar ndryshimet kushtetuese, po i kushton vendin me lirimin e kriminelëve nga borxhet.

“Ajo që ndodhi me Ndryshimet Kushtetuese me deputetët e VMRO-së, unë mendoj se dy herë e njëjta gjë nuk përsëritet. Ato thonë se do t’i sigurojnë 10 deputetë, i siguruam edhe atëherë 8 deputetë, por e kriminalizuan Maqedoninë dhe krejt kriminelët dolën nga burgjet.”, - theksoi ish-deputeti, Abdyladi Veseli.

Ndërsa, për gazetarin Ismail Sinani, qasja e politikëbërjes tek blloku politik maqedonas le për t’u habitur, sepse sipas tij shpëtimi i vetëm i këtij vendi do të ishte që të kemi një kushtetutë më karakter puro-qytetar apo e ngjashme si ajo e Kosovës.

“Po të kishte politikë me vetëdije të lartë politike në kampin politik maqedonas, tani për mos çështjes së preambulës ku do të futeshin bullgarët, do ta ndryshonte komplet preambulën. Shpëtimi i vetëm dhe rruga e vetme e këtij shteti është që të ketë një kushtetutë me karakter vërtet puro-qytetar, një kushtetutë pak a shumë të ngjashme të cilën e ka Republika e Kosovës.”, - u shpreh gazetari, Ismail Sinani.

Tre panelistët, po ashtu vlerësuan se qasja e pushtetit dhe opozitës rreth nënshkrimit të marrëveshjes me kompaninë “Bechtel dhe Enka”, ka thelluar hendekun midis tyre. (Fitim Kryeziu, TVM2)