Policia me kontrolle në këmbimoret e Shkupit, konstatohen parregullsi në dy prej tyre

Gjatë ditës së djeshme, zyrtarë policorë nga Njësia për Krime Ekonomike dhe Kompjuterike në SPB Shkup, në koordinim me inspektorët nga Inspektorati Shtetëror i Tregut, kanë kryer kontrolle në pesë këmbimore me Çarshinë e Vjetër të Shkupit në zonën e Bit Pazarit.

Nga MPB thonë se gjatë kontrollit është konstatuar se dy këmbimore nuk posedojnë dokumentacion për person juridik të regjistruar, as leje për këmbim nga Banka Popullore e Republikës së Maqedonisë së Veriut.

“Inspektorati Shtetëror i Tregut do të përgatisë një raport përkatës ndaj pronarëve të dy këmbimoreve”, thonë nga MPB.