Montana, shteti i parë që ndalon Tik-Tokun

Montana është bërë shteti i parë amerikan që e ka ndaluar aplikacionin kinez të videove të shkurtra, TikTok. Guvernatori i Montanas, Greg Gianforte, e ka nënshkruar dokumentin të mërkurën.

 

Vendimi i ri ua ndalon kompanive ofrimin e këtij aplikacioni nga 1 janari i vitit të ardhshëm, si dhe e parandalon TikTok-un nga operimi si biznes në shtet.

 

Për secilën ditë që kjo platformë do të jetë e qasshme, pas fuqizimit të ligjit, ofruesit e aplikacionit do të duhet të paguajnë gjobë prej 10.000 dollarëve. Përdoruesit nuk do të gjobiten dhe ata që e kanë përdorur aplikacionin në të kaluarën nuk do të preken nga vendimi.

 

TikTok-u nuk ka reaguar ende ndaj këtij ndryshimi ligjor. Në ditët në vijim pritet të ketë ankesa ose padi që sfidojnë këtë vendim, me arsyetimet e lirisë së shprehjes. Të gjitha këto shtete i kanë përmendur shqetësimet për sigurinë kibernetike, si arsye për vënie të ndalesës.

 

Aplikacioni ka më shumë se një miliard përdorues në gjithë botën, dhe përdoret gjerësisht në ShBA dhe Evropë. Kompania, në anën tjetër, i ka hedhur poshtë këto sugjerime.