Peja kampione e Kosovës

Skuadra e Pejës ka fituar titullin e kampionit në Superligën e Kosovës në basketboll për edicionin 2022/23.

 

Peja e siguroi titullin, pasi në ndeshjen e pestë të serisë finale të plejofit e mposhti Trepçën pas vazhdimit prej pesë minutash.

 

Dueli i luajtur të enjten mbrëma në palestrën “Minatori” të stërmbushur përfundoi me shifrat 93:91, pasi koha e rregullt përfundoi me rezultatin 77:77. Për Pejën kjo ishte fitorja e tretë në këtë seri finale, e cila e siguroi titullin me rezultatin e përgjithshëm 3:2.

 

Amerikani i Pejës, Jalen Tate është shpallur lojtari më i vlefshëm (MVP), i serisë finale të plejofit të Superligës së Kosovës në basketboll.