Hamiltoni vazhdon me Mercedesin

Lewis Hamilton ka thënë se nuk ka qenë në bisedime me Ferrarin dhe ka shtuar se ai dhe Mercedesi janë pranë vazhdimit të kontratës. Si rezultat i kësaj marrëveshjeje, Hamilton do të vazhdonte me Mercedesin edhe për sezonin tjetër, pasi kontrata aktuale skadon në fund të këtij sezoni.

 

Gjatë kësaj jave pati raportime se Ferrari e ka kontaktuar Hamiltonin që ngasësi nga Britania e Madhe t’i bashkohet skuadrës italiane. Shtatë herë kampioni i Formula 1 ka mohuar këto lajme dhe ka dhënë sinjale se do të vazhdojë me skuadrën aktuale.