Osmani për vizitë në Kosovë, takon krerët e shtetit

Ministri i Jashtëm i Maqedonisë së Veriut, Bujar Osmani, do të qëndrojë për vizitë sot në Kosovë, ku do të takohet me krerët e shtetit. Vizitën e tij, Osmani do ta nisë me homologen Donika Gërvalla, me Presidenten Vjosa Osmani dhe me Kryeministrin Albin Kurti. Takimet me Presidenten Osmani dhe Kryeministrin Kurti do të përfundojnë pa deklarim për media.

 

Ndërkohë, kryediplomati maqedonas ishte për vizitë dje edhe në Beograd, ku la disa porosi për dialogun dhe ngriti çështjen e integrimit të komunitetit etnik shqiptar. Osmani tha se dialogu dhe bashkëpunimi konstruktiv duhet të jenë imperativ, duke shprehur mbështetje të fuqishme të OSBE-së për dialogun Beograd-Prishtinë, të ndërmjetësuar nga BE-ja.