Analistët: formo komision hetues që të mos zgjidhet një çështje

Kërkesën e komisionerit evropian për zgjerim, Johanes Han, që opozita të publikojë të gjitha dëshmitë dhe ato të procedurohen në institucionet gjyqësore, analisti politik, Ibrahim Mehmeti, e vlerëson si të arsyeshme, por ai është skeptik se realizimi i kësaj kërkese mund të ketë epilog pozitiv.

 

Sipas tij, besimi në drejtësinë e institucioneve  kompetente është në nivel tejet të ulët, prandaj LSDM-ja në pres-konferencë shpalos materialet e përgjimeve. 

 

 

Afera “Përgjim” është fillim i zgjidhjes serioze të nyjës politike, e cila vjen duke u bërë gjithnjë e më e vështirë, theksoi analisti politik, Petar Arsovski. 

 

“Nuk jam i sigurt se institucionet do të fillojnë një proces të dytë nga materialet që po publikon Zaevi para se të mbarojnë rastin e parë, pra “PUÇ”-in. Sipas meje, nuk do t’i hapin të dyja rastet paralelisht, por njëherë me siguri do të zbërthejnë rastin “PUÇ”, e më pas do të mund të diskutojnë për aferën e përgjimeve. Gjithsesi, është një situatë e palakmueshme për institucionet, sepse duhet vendosur në një situatë kur duhet të zgjedhin mes pushtetit të tanishëm dhe materialeve që publikon kreu i LSDM-së, e të cilat assesi nuk mund të injorohen”- tha analisti, Petar Arsovski.

 

Sipas analistëve, LSMD-ja qëllimisht po i publikon dëshmitë në këtë formë, sepse para ndërhyrjes së ndërkombëtarëve, e cila është e domosdoshme, kjo parti mundohet të kthejë besimin e qytetarëve, si dhe të nxjerr në pah manipulimet e pushtetit.