Xhaferi priti delegacionin e Kuvendit të Kosovës

 

Xhaferi me këtë rast theksoi se kjo vizitë është konfirmim i bashkëpunimit të frytshëm dhe të suksesshëm ndërmjet Kuvendit të Republikës së Maqedonisë së Veriut dhe Kuvendit të Republikës së Kosovës.

 

Xhaferi u ndal edhe në projektet e ndërlidhjes infrastrukturore, si mundësi për afrimin e mëtejshëm të qytetarëve dhe e potencoi rëndësinë e ndërlidhjes përmes Korridorit 8.

 

Xhaferi e nënvizoi mbështetjen pa rezervë të Maqedonisë së Veriut për aspiratat euro-atlantike të Republikës së Kosovës dhe për anëtarësimin në organizatat ndërkombëtare.

 

Në takim u bë fjalë edhe për gjendjen aktuale në pjesën veriore të Kosovës, me ç’rast kryetari Xhaferi theksoi se në vend përcillet me vëmendje gjendja në Kosovë dhe e potencoi nevojën për ruajtjen e komunikimit dhe dialogut të ndërsjellë, duke sugjeruar se institucionet kosovare duhet të ruajnë kontrollin në interes të qytetarëve.