Rebrov trajner i ri i Ukrainës

Serhiy Rebrov është trajneri më i ri i kombëtares ukrainase të futbollit. Lajmin e bëri të ditur Federata ukrainase e futbollit e cila njohtoi se ai në pankinën e kësaj kombëtare do të jetë deri në mbyllje të botërorit të vitit 2026.

Trajneri 49-vjeçar, zëvendëson trajnerin e përkohshëm  Ruslan Rotan. Rebrov në pankinën  ukrainase do të debutojë më 12 qershor në miqësoren me Gjermaninë, ndërsa ndeshja e tij e parë zyrtare si seleksionues do të jetë ajo me Maqedoninë me 16 qershor në Shkup.