Mexhiti: Jovev do të punojë si mjek dhe profesor

 

“Profesori i nderuar ka mbështetjen time të plotë si mjek, si profesor për të kryer detyrat e përditshme të klinikës. Unë mendoj se jam shumë i qartë. Dhe në atë program të transplantit do ta konfirmoj atë që thashë dje, do të avokoj me ribalancimin që të rritet buxheti për programin e transplantit, që të jetë edhe më i suksesshëm. Për t'i dhënë një nxitje më të madhe dhe ne do të jemi këtu për të zhvilluar kardiokirurgjinë tonë shtetërore dhe mendoj se tashmë kjo temë është zgjidhur.”, - deklaroi ministri i Shëndetësisë, Fatmir Mexhiti. 

 

I pyetur nëse profesor Jovev e ka pranuar ofertën për të qenë këshilltar i ministrit, ai është përgjigjur se nuk kanë diskutuar.

 

“Nuk folëm, pimë kafe dhe siç ju thashë profesori i nderuar është miku dhe kolegu im i mirë dhe pas kësaj do të vazhdojmë të punojmë së bashku në Qendrën Klinike.”, - u shpreh ministri i shëndetësisë, Fatmir Mexhiti. 

 

Mexhiti, gjithashtu me rastin e 100 ditshit si ministër i këtij kabineti shpalosi masat dhe aktivitetet e ndërmarra nga kjo ministri. Ai tha se pas 100 ditë punë është edhe më i inkurajuar nga të gjitha sfidat dhe premton se do të përkushtohet për të siguruar cilësi më të mirë të shërbimeve dhe kushteve shëndetësore për pacientët.