Messi ia shkon Shaqirit për përfitime financiare
09.06.2023 16:30
Transferimi i Lionel Messit tek Inter Miami në ligën MLS në SHBA...
Transferimi i Lionel Messit tek Inter Miami në ligën MLS në SHBA ka bërë që të ketë ndryshime në listën e lojtarëve që përfitojnë më së shumti në këtë ligë. Në elitën e futbollit amerikan para transferimit të Messit më i paguari ishte Xherdan Shaqiri, ish-futbollisti i Liverpoolit e Bayern Munichut. Shaqiri për edicionin e vitit 2023 raportohej se do të fitojë rreth 8 milionë euro.
Ndërkohë, kontrata e Messit raportohet se vlen rreth 116 milionë euro. Messi ka edhe një kontratë me brendin e veshmbathjeve Adidas, si dhe me kompaninë Apple. 31-vjeçari Shaqiri është pjesë e Chicago Fire. Në 15 ndeshjet e këtij edicioni Shaqiri ka realizuar katër asistime.