Sulmet me raketa ruse, humbin jetën 7 persona, dhjetëra të plagosur, Zelensky: Betejat janë të ashpra, ecim përpara

 

“Ndodhi një tragjedi në qytet, kanë rënë disa raketa ruse. Janë shkatërruar kapacitete industriale, disa ndërtesa dhe shtëpi banimi.”, - tha një banor i Krevirit.

 

“Kur dolëm nga ndërtesat pas sulmit, ajo që pamë ishte: njerëz të hutuar të cilët kishin dal të zhveshur nga frika me fëmijët e tyre në duar. Disa kishin dalë me peshqir në trup dhe shapkat, disa kishin marrë batanije dhe ujë për fëmijët.”, - u shpreh një banore e Krevirit.                                                                                                   

                   

"Unë isha duke fjetur pikërisht këtu në një divan, pasi zakonisht fle në dhomën e gjumit. Ju mund të shihni si është shkatërruar dhoma e gjumit, thjeshtë e konsideroj vetën me fat. U hodha në këmbë për shkak të valës së shpërthimit dhe nxitova, ashtu siç isha e veshur, pra më të brendshmet e gjumit.”, - theksoi një  banore tjetër e Krevirit.

 

Presidenti i Ukrainës, Volodymyr Zelensky, i cili është lindur në Kreviri e dënoi sulmin rus dhe njoftoi se ushtria ukrainase është duke përparuar, pavarësisht agresionit rus.

 

“Betejat janë të ashpra, por ne po ecim përpara dhe kjo është shumë e rëndësishme. Humbjet e armikut janë pikërisht ato që na duhen. Edhe pse moti është i pafavorshëm këto ditë, shirat na e vështirësojnë detyrën, forca e luftëtarëve tanë ende jep rezultate. Sulmet e armikut në Kreviri duhet dënuar dhe kjo na jep forcën të ecim përpara dhe të rikthejmë territoret tona të pushtuara.”, - theksoi presidenti i Ukrainës, Volodymyr Zelensky.

 

Fjalimi i presidentit vjen në kohën kur forcat ukrainase kanë rimarrë disa vendbanime, duke e çuar numrin e përgjithshëm të vendeve të rifituara në shtatë, vetëm gjatë një jave.