Botë
Presidentja e Kosovës, Vjosa Osmani do t’i adresohet Parlamentit Evropian
14.06.2023 11:34
Presidentja e Kosovës, Vjosa Osmani, sot do t’i adresohet Parlamentit Europian...
Presidentja e Kosovës, Vjosa Osmani, sot do t’i adresohet Parlamentit Evropian, me ftesë të presidentes së këtij parlamenti, Roberta Metsola. Kjo është hera e parë që një president i Republikës së Kosovës, si shtet i pavarur, do t’i drejtohet seancës plenare të Parlamentit Evropian.
Presidentja Osmani do t’i adresohet deputetëve të Parlamentit Evropian lidhur me arritjet e Kosovës dhe rrugën e saj drejt anëtarësimit në Bashkimin Evropian. Ajo do të shprehë mirënjohjen e qytetarëve të Kosovës për përkrahjen që Parlamenti Evropian ka ofruar për vendin që nga vitet e ’90-ta.