Sulmohet bashkëkryetari i një shoqate bullgare, Spasovski: Sulmuesi është arrestuar

 

“Në lidhje me këtë ngjarje është e rëndësishme se është vepruar shpejt dhe me efikasitet. Sulmuesi u ndalua. Janë marrë deklarata. Aplikimi dhe marrja e deklaratës nga i dëmtuari ka qenë në qendrën mjekësore. Aty ishin oficerët e policisë. Është njoftuar edhe prokurori publik dhe pas mbledhjes së të gjitha provave materiale do të ngrihet padi. Pra, ky rast është zbardhur.”, - deklaroi ministri i Punëve të Brendshme, Oliver Spasovski. 

 

Ministria e Punëve të Jashtme e ka konfirmuar sulmin ndaj Kadrieskit, i cili është shtetas i RMV-së, por apelon për vetëpërmbajtje nga kualifikimet e parakohshme deri në zbardhjen e plotë të rastit.

 

“Kjo ngjarje nuk duhet të hedh hije mbi përpjekjet institucionale për të ushqyer të drejtat dhe interesat e komuniteteve më të vogla, duke përfshirë përpjekjet për të ushqyer të drejtat e garantuara me kushtetutë-ligjore për ta, përfshirë komunitetin bullgar. I bëjmë thirrje publikut dhe subjekteve politike nga Bullgaria fqinje që t'u mundësojnë institucioneve të shtetit zbardhjen e rrethanave të ngjarjes dhe procedimin e tyre sipas rregullave ligjore.”, njofton MPJ.

 

I sulmuari për mediat bullgare ka thënë se është rrëzuar përtokë, shkelmuar dhe fyer për baza etnike. Kadrieski u shtrua në spitalin lokal. Ai është shtetas i Maqedonisë dhe nuk ka pasaportë bullgare, por siç thotë ai kishte identitet bullgar.

 

 

MPJ-ja bullgare menjëherë dërgoi një punonjës nga konsullata e përgjithshme në Manastir për të kontrolluar nëse incidenti kishte përkatësi etnike. Edhe partia GERB e Bojko Borisovit e dënoi ngjarjen, nga ku vlerësuan se bëhej fjalë për dhunë të paprovokuar.