Marrëveshja Kovaçevski-Mickoski, Mickoski kërkon duel televiziv

 

“Ky njeri është i kidnapuar në Qeverinë e tij. Ka frikë të shkojë në zgjedhje, ka frikë të dalë në TV duel, pra ky është Kovaçevski. Edhe pak kohë u kanë mbetur të qëndrojnë në pozitat të cilat i kanë dhe prandaj nga kjo Qeveri nuk pres asnjëfarë kreativiteti. Prandaj, të mos jetë kjo lojë fjalësh kush si tha, ja po e ftoj në përballje televizive dhe populli të gjykojë se kush si ka thënë dhe kush kishte të drejtë.”, - deklaroi lideri i VMRO-DPMNE-së, Hristijan Mickovski.

 

 

Nga ana tjetër, deputeti i Partisë Social Demokrate të Maqedonisë, Darko Kaevski, e kanë cilësuar si të panevojshme përballjen televizive të dy liderëve, sepse sipas tij RMV-ja nuk ka kohë të humbë dhe taktizime të tilla, por është koha që të punohet. Kaevski dhe LSDM i bënë thirrje VMRO-DPMNE-së që ta mbajnë premtimin e dhënë dhe t’i nominojnë përfaqësuesit e tyre në grupet punuese dhe të fillohet menjëherë me punë. 

 

“Kryeministri Kovaçevski dhe Hristijan Mickovski tanimë kishin takim të liderëve ku është biseduar për gjithçka dhe ato konkluzione u shfaqen para opinionit të gjerë publik dhe tani është koha të fillohet me punë dhe t’i lëmë fjalët boshe dhe t’i ndalim bllokadat, sepse kështu po humbim kohë. RMV-ja duhet të sjellë vendime të rënda për ardhmërinë e saj evropiane, prandaj është e nevojshme që të fillohet debate nëpërmes përfaqësuesve të të dyja subjekteve politike tek grupet punuese. Prandaj, në vend të TV dueleve të panevojshme, i bëjmë thirrje VMRO-DPMNE-së që ta mbajnë premtimin e dhënë, t’i nominojë përfaqësuesit e tyre në grupet punuese dhe se vetëm të bashkuar mund të fitojmë të gjithë.”, - theksoi deputeti i LSDM-së, Darko Kaevski.

 

Hristijan Mickovski po ashtu i ka bërë thirrje edhe ministrit të Punëve të Jashtme, Bujar Osmani, që mos të përzihet në identitetin e maqedonasve, sepse ai sipas tij nuk mund ta mbron atë identitet.