NBA: Curry fenomenal, sjell fitoren e radhës për Golden State
Përkundër lëndimit të lehtë që e kishte, Stephen Curry, mbreme është dukur i pakapashëm, duke shënuar 32 pikë e duke regjistruar 8 asistime në fitoren e ekipit të tij, Golden State Warriors, ndaj Washington Wizards me rezultat 114-107...
Washgington ishte më i mirë në shut gjatë ndeshjes sesa Golden Statei, duke pasur përqindje saktësie 53.2, mirëpo ata regjistruan numër rekord të topave të humbur këtë stinor, 26, që ishte faktor kryesor në përcaktimin e fituesit të ndeshjes.
Paul Pierce ishte më i dalluar te ekipi humbës me 25 pikë të shënuara, ku Ëashington tash ka bilanc prej 33 fitoreve e 24 humbjeve.
E Golden State, vazhdon të jetë lider me 44 fitore e 10 humbje këtë stinor deri më sot.
LeBron James me rekord të ri në NBA
Ylli i Cleveland Cavaliers, LeBron James, ka shënuar rekord të ri në NBA, duke e tejkaluar Scottie Pippenin si sulmuesi me më së shumti asistime në NBA.
James e arriti shifrën e 6 mijë e 142 asistimeve me 11 asistimet e tij të bëra mbrëmë në fitore të ekipit të tij ndaj Detroit Pistonsave me rezultat 102-93.
Kështu, James tashmë ka 7 asistime me shumë se legjenda e Chicago Bullsave, Pippen dhe do të vazhdojë të shkruajë histori në këtë aspekt.