Ngecja në eurointegrim, ish-presidenti Cërvenkovski: Me ide e qasje të përbashkët deri tek fondet evropiane

 

“Përjashtim mund të bëjë Shqipëria për të cilën u soll vendim për fillimin e negociatave. Ne i hapëm negociatat, por nuk i filluam. Siç qëndrojnë punët, vështirë është të parashikohet nëse dhe kur do të ndodhë kjo. Duhet të kemi parasysh edhe kontekstin më të gjerë dhe jo të ndiqet vetëm problemi me Bullgarinë. Faktet tregojnë se integrimet në tërë rajonin janë në vend, me lëvizje të vogël. Sipas meje, s’ka vend për më shumë optimizëm as në disa vitet e ardhshme. Varianti  për t’iu ikur procedurave komplekse për anëtarë të rinj në fushën evropiane dhe ekonomike është që BE-ja të nënshkruajë marrëveshje të re me vendet e Ballkanit Perëndimor, në  njëjtën kohë, me qëllim që të shfrytëzohen fondet evropiane.”, - deklaroi ish-presidenti, Branko Cërvenkovski.

 

 

Propozimi për akses në fondet evropiane, nuk do të shërbejë si alternativë për integrim, thotë ish-ambasadori në ShBA, Zoran Jolevski, por si ndërlidhjen me  performancën evropiane.

 

“Kërkojmë nga kompanitë evropiane të investojnë në rajon, të realizojnë profit, megjithatë të hapen vende të reja të punës dhe benefite për qytetarët, shtetin  dhe t’i përgatisin për integrim të plotë në tregun evropian.”, - theksoi ish-ambasadori, Zoran Jolevski.

 

Sipas mbështetësve të kësaj iniciative, mendimet e reja intelektuale vijnë për shkak të ngecjes në BE dhe ndërkohë  duhet ose të presim të ndodh ndonjë mrekulli ose të angazhohemi në këtë drejtim. Mbrojtësit e idesë thonë se  vendet më të vjetra anëtare ditë e më shumë përforcojnë qëndrimin që së pari  të bëhen reformat në BE, e pastaj zgjerimi.