Shqipëri-Kosovë, mbledhja e dy qeverive me 23 mars në Vlorë
Më 23 mars në Tiranë do të mbahet mbledhja e radhës e dy qeverive, të Kosovës dhe Shqipërisë për të koordinuar më në detaje agjendën e përbashkët të punës...
Por kësaj mbledhjeje do ti paraprijnë një sërë vizitash të tjera. Të premten për vizitë në Kosovë do të qëndrojë ministri i Jashtëm i Shqipërisë Ditmir Bushati.
Më 9 mars kryeministri i Kosovës Isa Mustafa do të qëndrojë në vizitën e tij të parë zyrtare në Tiranë. Ai do të shoqërohet nga Ministri i Punëve të Jashtme dhe disa ministra të tjerë.
Dhe më 23 mars Mustafa së bashku me kabinetin e tij qeverisës do t’i drejtohet përsëri Shqipërisë më saktë Vlorës, ku do të zhvillohet takimi i radhës mes dy qeverive.
Në këtë mbledhje do të analizohen marrëveshjet që janë arritur deri më tani, zgjerimi i bashkëpunimit në fusha të tjera nëpërmes marrëveshjeve të reja që do të nënshkruhen nga dikastere të ndryshme.