Euro 2024, Shqipëria e dyta në Grupin E

21.06.2023 19:12

Kombëtarja kuqezi ka luajtur të martën në mbrëmje ndeshjen e 3-të në kuadër të Eliminatoreve të Evropianit "Euro 2024"....

Kombëtarja kuqezi ka luajtur të martën në mbrëmje ndeshjen e 3-të në kuadër të Eliminatoreve të Evropianit "Euro 2024". Me fitoren 3:1, Shqipëria rikthehet të bëj dy fitore radhazi, nga mungonte nga 2021, arrijmë të dalim me 6 pikë nga dy ndeshjet e qershorit duke bërë saktë detyrat, çdo përfundim tjetër nuk do të kishte këtë impakt në grup, pasi për të shkuar në “Euro2024”, këto janë sfida që nuk duhen diskutuar. Trajneri i kuqezinjve, braziliani Silvinjo ka komentuar pas suksesit 3-1 me Ishujt Faroe, duke theksuar se nuk është aspak e lehtë të realizosh dy fitore radhazi e aq më tepër kur luhet brenda tri ditëve, me një distancë të konsiderueshme nga njëri vend në tjetrin.

“Sigurisht se isha i shqetësuar  në momente të caktuara të ndeshjes, sepse futbolli nuk është aspak i lehtë është i vështirë. Ne e prisnjim një ndeshje të vështirë. Le të marrim pjesën e mirë në këtë sfidë. Të gjithë lojtarët që hynë në fushën e lojës, u futën me këmbën e duhur dhe dhanë një kontribut shumë të madh për këtë sukses. Objektivi ishte të fitonim dy ndeshjet radhazi, shanset janë të njëjta. Grupi është i vështirë dhe i ekuilibruar. Ne jemi të lumtur për dy rezultatet që kemi marrë dhe jemi në garë për kualifikimin.”, tha Silvinho, trajner i Shqipërisë.
 
Shqipëria pas kësaj fitore doli në vendin e dytë në grup. I ka gjashtë pikë nga tri ndeshje në Grupin E. Çekia udhëheq me shtatë pikë, ndërsa Moldavia është e treta me pesë pikë. Polonia ka rënë në pozitën e katërt me tri pikë nga tri ndeshje. Ishujt Faroe mbesin në vendin e fundit me vetëm një pikë.