Rasti “Puç”, edhe 30 ditë paraburgim për Verushevskin

Vendimi  i dytë vjen pas kalimit të afatit të parë 30 ditor të paraburgimit, të cilin Verushevski e mbajti për shkak të posedimit të armëve pa leje. 

 

Zoran Verushevski është i dyshuari i parë në rastin “Puç” së bashku me gruan e tij dhe një të punësuar në Komunën e Strumicës, ndërsa i dyshuari i katërt në rastin “Puc” është lideri i opozitës maqedonase, Zoran Zaev. 

 

Ndërkohë, gjykata solli vendim të plotfuqishëm për Zvonko Kostovskin, njëri nga të akuzuarit në rastin “Puç”.

 

I akuzuari ka arritur marrëveshje me Prokurorinë Publike. Pas verifikimit të marrëveshjes, gjykatësi ndaj tij caktoi masën e burgimit me 3 vjet për kryerjen e veprave penale “spiunim” dhe “përgjim pa leje”.