Anglia e Zvicra fitojnë, Gjermania barazon

Kampionati Evropian për nën 21 vjeç, ka filluar mbrëmjen e kaluar ku dolën në fushë grupet C dhe D.

Në grupin D, Zvicra kalon për momentin në krye, duke mposhtur Norvegjinë me rezultatin 2-1, me përmbysje. Në fakt, në pjesën e parë të lojës, Ceide (i cili luan për Sassuolo) i dha epërsinë Norvegjisë në minutën e 19-të. Në minutën e 36-të Ndoye barazoi dhe në 10' të pjesës së dytë goli i fitores mban firmën e Kastriot Imerit, një lojtar me origjinë nga Kosova.

Në Grupin C, Anglia mundi Çekinë 2-0: të dy golat e anglezëve u shënuan në pjesën e dytë. Në fillimin e pjesës së dytë (47') ishte Jacob Ramsey që vulosi avantazhin, ndërsa dyfishimi erdhi në rikuperim të plotë (94'), i nënshkruar nga Emil Smith-Roëe. Përveç Anglisë dhe Republikës Çeke, në grupin C janë edhe Izraeli dhe Gjermania: përballja mes këtyre dy kombëtareve përfundoi në barazim 1-1.

Dy golat erdhën në pjesën e parë: në minutën e 20-të Turgeman i dha epërsinë Izraelit, Bisseck (në pamjet e Interit) në minutën e 26-të shënoi golin e barazimit për gjermanët. Asnjë gol në pjesën e dytë, pavarësisht se Izraeli mbeti në inferioritet numerik për shkak të përjashtimit të Kartsev në fund të pjesës së parë.