Lunaçek, i bën thirrje vendeve të BE–së ta njohin Kosovën
Ulrike Lunaçek, nënkryetare e Parlamentit Evropian, pas votimit të raportit për Kosovën në Komisionin për Politikë të Jashtme të Parlamentit Evropian, është shprehur e kënaqur për faktin se edhe kësaj radhe shumica e deputetëve e përsëritën thirrjen për 5 vendet e BE¬-së që ta njohin Kosovën...
Në intervistën dhënë “Kohës ditore”, Lunaçek flet për pjesët kryesore të raportit dhe për disa nga zhvillimet më të rëndësishme në Kosovë, përfshirë edhe migrimin e madh kohëve të fundit, skandalin ndaj dyshimeve për korrupsion në misionin e EULEX-it dhe për debatet rreth krijimit të gjykatës speciale, për të cilën edhe Parlamenti Evropian bën thirrje që të formohet sa më shpejt.
“Ndikimi pozitiv i BE¬-së në Kosovë është dëmtuar dukshëm për shkak të mungesës së unitetit”- ka thënë ajo.
Po ashtu e ka quajtur si “situatë frustruese” faktin se vetëm për kosovarët duhet të ketë viza për të udhëtuar në BE dhe i ka bërë thirrje edhe Prishtinës, edhe BE-së që të jenë më aktive në realizimin e liberalizimit të vizave për Kosovën.