Maqedoni

Bashkëpunimi ndërkufitar mes RMV-së dhe Serbisë, në Nish nënshkruhet marrëveshje në kuadër të IPA-s

26.06.2023 16:23

Maqedonia e Veriut dhe Serbia në kuadër të fondeve IPA rrisin bashkëpunimin ndërkufitar...

Maqedonia e Veriut dhe Serbia në kuadër të fondeve IPA rrisin bashkëpunimin ndërkufitar. Marrëveshja trelaterale financiare e nënshkruar në Nish nga ana e zëvendëskryeministrit Mariçiq, homologes së tij serbe Misheviq dhe euroambasadorit në Beograd Zhiofre, u mundëson dy vendet të shtojnë bashkëpunimin në dy fusha, atë socio-ekonomike dhe turizëm.

Zëvendëskryeministri Mariçiq thotë se ideja e këtij partneriteti është që të krijohet fqinjësi e mirë, bashkëpunim dhe zhvillim lokal, si pjesë e pandashme e procesit eurointegrues. Me nënshkrimin e kësaj marrëveshjeje hapet mundësi për 850 mijë qytetarë nga rajoni ndërkufitar i dy vendeve për të shfrytëzuar mjetet për projekte konkrete nga ana e komunave, qyteteve dhe qytetarëve, potencoi  Mariçiq.

“BE-ja është ide e madhe, por praktikisht ajo ide duhet të shndërrohet në hapa praktik, të cilat do të jenë me rëndësi për çdo ditë për rritjen e kualitetit të stabilitetit të jetës. Kjo ide do të kuptohet nga qytetarët e shteteve tona vetëm nëse shohin  beneficione konkrete dhe vetëm nëse shohin se BE-ja  funksionin për njeriun e thjeshtë, ndërkaq ky projekt e bën pikërisht këtë, hapin dyert e komunave, qyteteve dhe për njeriun e thjeshtë.  Nëse këto mjete i shfrytëzojmë me përgjegjësi dhe efikasitet, mundësitë që i ofron BE-ja do t’i shfrytëzojmë për të përmirësuar shumë aspekte të jetës së qytetarëve, ta sigurojmë zhvillimin e qëndrueshëm për t’i përforcuar lidhjet  ekonomike mes dy vendeve me vlera të njëjta evropiane.”, - deklaroi zëvendëskryeministri për eurointegrime, Bojan Mariçiq. 
 
Programi IPA për bashkëpunim ndërkufitar mes RMV-së dhe Serbisë është miratuar nga KE-ja në qershor të vitit të kaluar dhe kap buxhet prej 9.7 milion euro prej të cilave 8.4 milion euro mjete të pakthyeshme. 
 
NERMIN MULAKI FEJZULLAHU