Kundërofensiva ukrainase, Zelensky optimist për përparimin e ushtrisë

“Ushtarët tanë, pozicionet tona ku kemi avancuar, janë aktive në të gjitha drejtimet në front të luftës.”, ka thënë ai. “Sot, ushtarët tanë kanë avancuar në të gjitha drejtimet, është ditë e mirë. U dëshiroj djemve më shumë ditë si kjo.”.

 

Të hënën, Zelensky i ka vizituar ushtarët që janë duke luftuar në pjesën lindore të shtetit dhe u ka ndarë atyre medalje.

 

Vendi i saktë i vizitës nuk dihet, mirëpo zyra e Zelenskyt ka thënë se i ka takuar disa njësite në rajonin Donjeck.

 

Zelensky ka thënë përmes një video-adresimi se është takuar me komandantë ushtarakë dhe ka marrë “shumë vendime operacionale” bazuar në diskutime. Ai ka thënë se një vendim ka të bëjë me forcim të marinës dhe gjithë forcave të mbrojtjes.