Atentatet ndaj Tahirit, policia arreston tre persona

Tre persona janë arrestuar gjatë një operacioni të zhvilluar gjatë natës, pasi dyshohet se kanë vendosur tritolin në farmacinë e babait të ministrit, si dhe në vendin ku ai parkonte zakonisht makinën. Sipas policisë, ata janë kushërinj të Emirjon Gjutës, 26 vjeçarit, i cili ndodhet në burg, pasi u zbulua se telefoni që do të aktivizonte tritolin pranë vendit ku parkonte makinën babai i Tahirit i përket atij.

Bëhet fjalë për Muhedin Gjutën dhe nipin e tij, Pajtim Gjutën, ndërsa dy të tjerë janë shpallur në kërkim.

Gjatë një aktiviteti inaugurimi, kryeministri Rama e komentoi operacionin e policisë duke u shprehur se iku koha kur atentatorët iknin në drejtim të paditur.

Atentati ndaj familjarëve të Tahirit ndodhi duke u gdhirë data 10 shkurt. Farmacia e babait të ministrit të Brendshëm u shkatërrua tërësisht, po ashtu edhe vendparkimi i makinës së tij, por për fat të mirë nuk pati të lënduar. (Luljeta Ndoka, TVM2)