Energjia elektrike, Besimi: TVSh do të jetë 18%, nuk do të ketë ndërhyrje ligjore

 

“Tani ka një metodologji të re e aplikuar nga Komisioni Rregullativ i Energjisë, e cila ridizajnohet, siç paralajmëruam edhe atëherë, masat përshtaten me nivelin e krizës ose formën e krizës në të cilën gjendemi dhe qëllimet që duam t’i arrijmë. Si kompensim, Qeveria do të vazhdojë të subvencionojë kostot e prodhimit dhe furnizimit me energji elektrike.”, - deklaroi ministri i Financave, Fatmir Besimi.

 

 

VMRO-DPMNE-ja opozitare akuzon pushtetin se për më pak se 6 vite çmimi i energjisë elektrike është shtrenjtuar më shumë se 50%. Zëdhënësja e VMRO-së, Miteva thotë se LSDM-ja godet popullin, për të mbushur buxhetin që shpenzon për tenderë dhe krime. 

 

“Qeveria rrit TVSh-në nga 10 në 18%. Rritja është vetëm sepse Qeveria kërkon të mbledhë më shumë para në buxhet, të cilat i ka vjedhur prej vitesh. Me rritjen e nesërme të energjisë elektrike dhe sipas blloqeve që futi LSD-ja, qytetarët që bien në kategorinë e dytë do të paguajë 2.88 për qind më të shtrenjtë energjinë elektrike, në kategorinë e tretë rritja do të jetë 9.99 për qind. Kjo do të thotë se në faturën prej 5.500 denarë rritja do të jetë mbi 500 denarë. Kurse faturat për muajin korrik, në vend të 5.500 denarëve të mëparshëm do të jenë mbi 6.000 denarë.”, - theksoi zëdhënësja e VMRO – DPMNE-së, Marija Miteva.