Radev për integrimin e RMV-së: S’ka kushte tjera, realizoni për çka obligoheni

 

“Edhe sot kur na bëjnë thirrje që të mos vëmë kushte të reja për integrimin e RMV-së, kur na bëjnë thirrje të ndalemi të shikojmë prapa në të kaluarën, por vetëm përpara drejt ardhmërisë, duhet qetësisht dhe në mënyrë të qartë të tregojmë se nuk vëmë kushte të reja. Duam Shkupi thjesht t’i plotësojë  obligimet e ndërmarra, të cilat janë të vërtetuara në kornizën negociuese. Me mospublikimin e arkivave  të shërbimeve për persekutimin e  bullgarëve në Maqedoni  dhe mungesën e rehabilitimit  të viktimave të pafajshme, nuk mund të ndërtojmë fqinjësi dhe të ardhme evropiane.”, - deklaroi kryetari i Bullgarisë, Rumen Radev. 

 

 

Kryeministri Dimitar Kovaçevski mirëpret deklaratën e fundit të presidentit Radev.

 

“Mua më gëzon edhe ajo që patëm edhe deklaratën e presidentin bullgar, Radev, i cili thotë se edhe BE-ja duhet t’i plotësojë kushtet edhe ne obligimet nga korniza  negociuese dhe se nuk ekzistojnë kushte shtesë që kanë të bëjnë me kornizën negociuese të RMV-së.”, - theksoi kryeministri, Dimitar Kovaçevski. 

 

Kovaçevski potencon se VMRO-ja akoma ka opsion për zgjedhje të parakohshme me kusht votimin  e ndryshimeve kushtetuese, sepse tash sheh atmosferë më konstruktive tek opozita. Ndërkaq sqaron se procedura për ndryshimet kushtetuese do të fillojë pasi që paraprakisht në seancë qeveritare të shqyrtohen detajet e grupit të punës.