Fëmijët autik, prindërit kërkojnë përkrahje të gjithanëshme

Të keshë një fëmijë autik dhe me sëmundje të rralla në vendin tonë është shumë e vështirë. Kështu kanë deklaruar disa prindër të fëmijve me autizëm dhe me semundje të Fibrozës Cistike.

Sipas tyre institucionet tona duhet t’i hapin sytë, të punojnë pasi edhe këto persona duan të jetojnë si çdo qytetar tjetër në vendin tonë.

Sipas prindërve këta fëmijë kanë shpenzime të larta dhe herë pas here mospasja e mundësive ekonomike, për t’ua plotësuar nevojat sjell prindërit drejt depresionit, sëmundjeve të tjera psikike, madje ka raste kur devijojnë.

“Baballar dhe bashkëudhëtar të mij, shpesh herë jemi gjendur në udhëkryq, shpeshë herë jemi mërzitur dhe jemi lodhur, kurrë nuk duhet të harrojmë një gjë, ne marrim forcë edhe ku bëjmë hapa prapa. Secili nga ne është anonim jasht por për fëmijt tanë jemi e gjithë bota. Fëmijët që kemi kanë nevoja por, edhe shpenzime të mëdha, ndërsa ne vetëm ankohemi dhe ndonjë herë duke mos pasur mundësi ekonomike u dërzohemi veseve si alkoli, droga, e bixhozi e përfundimi kush është shkatrimi i familjeve dhe fatëkeqësisht, numri i divorceve po rritet frikshëm” – tha Gebtijan Masha, baba i një fëmije me autizëm Shqipëri.

“Unë kam një djalë që ka një diagnozë një sëmundje shumë dimenzionale, organike cistik fibroz. Ajo kap mëlçinë, zorën e trashë dhe përfshin mushërkitë. Një kohë të gjatë pacientët me fibrozë cistike nuk kishin mbështetje dhe nuk arrinin që të mblidhen dhe të bëjnë një shoqat, me të cilën do i kërkonin drejtat e tyre. Fibrozën cistike arritëm ta bëjm temë, arritëm që përfaqësuesve tanë t’ua shtojmë empatinë, për këtë lloj diagnose por sthem se ato se kënë empatinë. Por njeiru nuk mund ta dinë dhimbjen e tjetrit nëse nuk e ka vetë, dhe ne duhet tua kujtojm atë. Un ju ftojë juve prindër baballar që të luftoni fuqishëm, të bashkoheni dhe fuqishmë të kërkoni drejtat tuaja, nuk vinë vetëvetiu më besoni. Duhet të mblidheni me një trup dhe me një zë të kërkoni të drejtën për përmisimin e kushteve të fëmijve tanë” – deklaroi Elmir Sejfullahu, babi i një fëmije të sëmurë.

Shaqiri: Duhet të bëjmë më shumë

Ministri i arsimit Jeton Shaqiri është kritik ndaj sistemit arsimor që kanë për momentin fëmijët autik por thotë se po punohet që këtë persona të vecant që t’ju sigurohen kushte dhe të jenë të barabart me gjithë fëmijt tjerë.

“Kjo temë është një ndër ato tema që kërkon më pak diskutim dhe më shumë mbështetje. Ndërsa Autizmi të flas duhet gjithsecili, të flasim për ketë temë dhe të bashkojmë forcat, sepse në këtë temë gjithë jemi bashkë dhe nuk duhet të kemi diskutim për zgjedhjen dhe ndimën që duhet t’ja japim kësaj, mbështetjen në sistemin edukativo arsimor në vend. Është filluar projekti, dhe në raste të caktuara edhe unë jam vetë kritik, që ka të bëjë me sistemin arsimor” – u shpreh Ministri i Arsimit dhe Shkencës, Jeton Shaqiri.

Psikologët: Dukuri që ndikon në familje

Psikologjia thotë se këta persona duhet të trajtohen shumë mirë, pasi janë edhe të ndjeshëm, por thotë se numri i tyre dita ditës shkon në rritje.

“Çdo fëmijë me nevoja të veçanta është i veçantë ashtu edhe siç e thotë vetë fjala. Të keshë një fëmijë me nevoja të veçanta d.m.th të përkushtohesh dyfish, të ofrosh shumëfish, ka shpenzime që i tejkalojnë të ardhurat tona, që janë mesatare dhe të kesh një kohë mirë të strukturuar. Kemi rritje kaq të frikshme të divorceve dhe paralerisht kemi edhe rritje të prezencës së fëmijëve me nevoja të veçanta dhe po shkon duke u rritur akoma edhe më shumë” – u shpreh një nga psikologet.

Këto komente u bënë në katër vjetorin e themelimit të qendrës së Autizmit “Fluturo për Jetën” pjesë e shoqatës “Purpura” që mbajti një konferencë në Tetovë me temë sëbashku ta bëjmë autizmin të flas. (Visar Sadiku, TVM2)