Bill Klinton për herë të parë në Tiranë, Rama: Miku i përjetshëm i kombit shqiptar

 

Ai zbriti në tokën shqiptare në orën 15:18, ku në Aeroportin e Rinasit u prit nga kryeministri, Edi Rama.

 

Në një postim në facebook, kreu i Qeverisë e cilësoi si mikun e përjetshëm të kombit shqiptar.

 

Një mesazh urimi pati edhe presidenti Bajram Begaj, i cili thekson se shqiptarët do t’i jenë përjetë mirënjohës për gjithçka që ka bërë për kombin tonë e në veçanti për Kosovën. Më tej, Begaj thekson se vendimmarrja dhe lidershipi në ditët më vendimtare për të ardhmen e Kosovës e ka vendosur Klintonin në piedestalin e miqve tanë më të shtrenjtë.

 

Në orën 19:00, në bulevardin “Dëshmorët e Kombit”, përballë kryeministrisë, qytetarët do të munden të ndjekin nga afër fjalimin e tij.

 

Qeveria shqiptare do t’i japë presidentit Klinton “Yllin e mirënjohjes për arritjet publike” dhe presidenti Klinton e kryeministri Rama do të përcjellin nga një mesazh para të gjithë qytetarëve, që do të mblidhen për të nderuar një prej presidentëve më të rëndësishëm për kombin shqiptar.