Lukashenko: Prigozhin gjendet në Rusi dhe jo në Bjellorusi

Shefi i grupit Wagner Yevgeny Prigozhin nuk është në Bjellorusi, ka konfirmuar presidenti Alexander Lukashenko.

 

Lukashenko tha se udhëheqësi i Grupit Wagner është në Rusi dhe “mund të jetë” në Shën Petersburg ose Moskë, por definitivisht jo në “territorin e Bjellorusisë”.

 

Në një marrëveshje për t’i dhënë fund rebelimit, i cili u ndërmjetësua nga Lukashenko, Prigozhin kishte rënë dakord të zhvendosej në Bjellorusi.

 

Javët e fundit ka pasur shumë spekulime në lidhje me vendndodhjen e tij, me liderin mercenar që nuk u pa në publik që nga rebelimi.