Diskutime për klimën në Vjenë, Osmani: OSBE-ja ka në fokus edhe këtë temë

OSBE-ja përkushtohet  për të ofruar zgjidhje  në sfidat  që shkatojnë ndryshimet klimatike, ndërkaq RMV-ja  si kryesuese me këtë organizatë, nxit bashkëpunim rajonal  dhe zbatim të iniciativave  për të zbutur ndikimin e ndryshimeve klimatike, ka thënë  udhëheqësi i OSBE-së, Bujar Osman.  

Në Vjenë në kaudër të  konferencës për ndryshimet klimatike, Osmani  ka theksuar  se OSBE-ja do të përfshihet  në realizimin e projekteve  të vlefshme  në këtë fushë aktuale.

Si kryesues i OSBE-së, Osmani ka njoftuar emërimin e Përfaqësuesit Special për Ndryshime Klimatike, Naser Nuredinin, ish ministër i Mjedisit Jetësor dhe Planifikimit Hapësinor.

“Duhet edhe shumë punë të përmbushen. Duhet të bëjmë  një qasje gjithëpërfshirëse, më të dobishme,  në mënyrë që të kërkohet zgjidhje kooperative mbi çështjet komplekse të krijuara nga ndryshimet klimatike. Duhet të gjejmë mënyra inovative që të sigurojmë përgjigje koherente, integruese dhe koordinuese  të Organizatës për Siguri dhe Bashkëpunim” – tha Kryesuesi i OSBE-së, Bujar Osmani.

Në këtë konferencë Osmani ka takuar përfaqësuesin special  të SHBA-së për klimën Xhon Kerri,  të cilin e ka njoftuar  me aktivitetet e vazhdueshme  për mbrojtjen e Malit Sharr dhe Korabit, ku njëherit ka shprehur  mirënjohje për ndihmën amerikane për realizimin e projektit. (Nermin Mulaki – Fejzullahu, TVM2)