Milan shumë afër marrëveshjes me Chelsean për transferimin e Pulisic
07.07.2023 15:37
Mesfushori Christian Pulishiq mund të konsiderohet si përforcimi i radhës te skuadra e Milanit....
Mesfushori Christian Pulishiq mund të konsiderohet si përforcimi i radhës te skuadra e Milanit. “Sky Sport Italia” ka shkruar të premten se Milani parimisht ka arritur marrëveshje me Chelsean, e cila do të bëhet zyrtare ditëve në vijim.
Për transferimin e Pulishiqit, skuadra italiane do të paguajë rreth 20 milionë euro, ndërsa mesfushori do të firmos kontratë pesëvjeçare me Milanin.
Pulishiq po shihet si përforcim i duhur për mesfushën te Milani, duke pasur parasysh se mund të aktivizohet edhe si sulmues krahu.
24-vjeçari prej vitit 2019 është pjesë e Chelseat, ndërsa karrierë ka bërë edhe te Borussia Dortmundi.
Pulishiq ka kontratë me Chelsean deri në vitin e ardhshëm, ndërsa edicionin e shkuar pati 1 gol e 2 asistime në të gjitha garat.