Në prag të samitit të NATO-s pretendohet se Ukraina nuk është gati për hyrje

 

“Është nder të të kem si mysafir këtu në Downing Street. E di që keni qenë disa herë mysafir këtu, por kjo është hera juaj e parë si president.”, tha kryeministri i britanisë së madhe, Rishi Sunak.

 

“Kemi shumë tema për të diskutuar. Mendoj se po bëjmë përparim në marrëdhëniet tona.”, tha president i Shteteve të Bashkuara, Joe Biden. 

 

Në prag të samitit të NATO-s në Vilnius, po bëhen gjithnjë e më të forta pretendimet se Ukraina nuk është gati për anëtarësim në Aleancë. 

 

Dje, Kievi përdori tre raketa në një përpjekje për të sulmuar urën e Krimesë, pretendon Moska. Forcat ruse po mobilizohen në një përpjekje për të zbuluar vendndodhjet e raketave ukrainase dhe për t'u hakmarrë, thonë nga Ministria e Mbrojtjes.

 

“Ne do të mbajmë sistemet e mbrojtjes ajrore në gatishmëri të vazhdueshme për të mbuluar objektet më të rëndësishme të infrastrukturës dhe ndërmarrjet industriale të vendosura brenda rrezes së raketave armike dhe, nëse është e nevojshme, do të merren masa shtesë sa më shpejt të jetë e mundur për t'u mbrojtur nga sulmet ajrore.”, tha shefi i Shtabit të Përgjithshëm të Rusisë, Valery Gerasimov.

 

Moska e akuzon rregullisht Ukrainën për sulme ndaj objektivave në Rusi. Kievi e mohon atë, duke thënë se po zhvillon një luftë mbrojtëse në territorin e tij. Betejat intensive vazhdojnë në lindje dhe jug të vendit. Forcat ukrainase regjistruan një përparim në krahun jugor të qytetit lindor Bakhmut.