Miniera në Illovicë, Mickoski: Marrëveshje biznesi brenda pushtetit

 

“Të gjithë duhet ta dijnë se kjo nuk është asgjë më shumë se një marrëveshje e rëndomtë e qeverisë, para se gjithash e BDI-së, të cilët janë pjesë e këtij projekti dhe qeverisë së LSDM-së. Paramendoni se çfarë dyftyrësie, çfarë standarde të dyfishta, qeveria sjell vendim për bashkangjitje, ndërkohë ministri i së njëjtës qeveri thotë se do të jetë së bashku me ata njerëz që protestojnë. Nëse nuk pajtohet me atë vendim, mundet të njëjtën ditë të jep dorëheqje.”, tha kryetari i VMRO-DPMNE-së, Hrstijan Mickoski.

 

 

Nga LSDM thonë se qeveria s’do hap minierë pa konsultuar qytetarët lokalë dhe marrë konfirmimin e tyre,  pa përmbushur gjitha standardet ekologjike sipas së drejtës europiane.

 

 “Rajoni i Strumicës është zonë bujqësore. Toka atje është burim i egzistencës së mijëra familjeve. Qeveria nëpërmjet politikave dhe programeve dëshmoi se duhet mbështetur bujqësia. Kur bëhet fjalë për bujqësinë dhe shëndetin, mbetet prioritet më i lartë i LSDM-së. Qeveria në kordinim me kryeministrin dhe ministrat do të rishqyrtojnë vendimin për bashkimin e dy koncesioneve.”, tha Jovana Trençevska nga LSDM.

 

Qeveria ka sjellur vendim për bashkimin e dy koncesioneve për minierë për bakër  dhe ari në malin Ograzhden në territorin e komunave Bosillovë dhe Novo Sellë, e që sipas aktivistëve të ambientit parashikon ndërtimin e minierës në Illovicë.