Kumanovë, pritet vazhdimi i punimeve në parkun e qytetit

 

“Punimet janë ndarë në tri faza. Faza e parë ka qenë e mbuluar nga Byroja për zhvillim rajonal, ku është bërë asfaltimi i të gjitha pjesëve që ka qenë i paraparë për asfaltim, është bërë ndërtimi i fushës së basketbollit si dhe është bërë parkingu për vetura. Pastaj si pushtet komunal kemi ndarë mjete buxhetore në vlerë prej 4 milion e 500 mijë denarë për të vazhduar me fazët tjera dhe për ta përfunduar proektin në tërësi. Faza tjetër, e cila është në fazën e tenderimit është vendosja me tartan e të gjitha shtresave ku nuk ka asfalt, sepse do të ket rrugica për çiklizëm, për vrapim, kurse me tartan do të shtrohet edhe fusha e basketbollit. Pastaj do të vendosen edhe smart ulëset, të cilëat ështëparaparë të vendosen pasi të kryhen të gjitha punimet. Do të vendoset edhe ndriçimi i ri, do të ket edhe sistem modern për ujitje do të bëhet edhe rregullimi i barit dhe përfundimisht ky park të merr pamjen që e meriton dhe me plot bindje e them se do të jet një ndër smart parqet më të mira në gjithë teritorin e RMV.”, tha Huzeir Mustafi, këshilltar i AS, në Këshillin e Komunës së Kumanovës.

 

“Punimet në Parkun e qytetit kanë filluar vitin e kaluar. Deri tash ka përfunduar faza e parë e punimeve siç është asfaltimi i të gjitha rrugicave të parkut të qytetit. Së shpejti pritet të fillojë edhe faza e dytë e ndërtimit . Siç e shihni është ndërtuar terreni për basketboll. Së shpejti do të fillojë ndërtimi i një këndi me lodra për fëmijë, do të shtrohen edhe disa rrugica me tartan, kurse gjithashtu do të vendosen edhe ulset e mençura. E me këtë shpresojë se do të përfundojë proekti i Parkut të qytetit. Janë siguruar mjetet për vazhdimin e proektit, kurse tash vetëm ka mbetur fillimi i realizimit të punimeve.”, tha ndër të tjera Driton Sulejmani, këshilltarë i Alternativa në Këshillin e Komunës së Kumanovës.