Fitore për Shkëndinë në derbin e Tetovës
Edhe pse me shumë mund dhe vështirsi kundër fenerxhiut Teteksit, Shkëndija ia doli dhe sezonin pranveror e nisi me fitore...
Të përzgjedhurit e trajnerit Ardian Kozniku, në derbin e Tetovës, në rolin e mysafirit, kishin përkrahje të madhe nga tifozët e tyre dhe në fund fituan me rezultatin e ngushtë prej 2-1.
Në pjesën e parë të ndeshjes, goli I vetëm erdhi për kuqezinjët. Kroati Bojan Vruçina, pasi u ndal në mënyrë të palejuar në zonën e rreptësisë, ekzekutoi me qetësi penalltinë, për avantazh prej 1-0 të Shkëndisë.
Në 45 minutat e dyta, lojtarët e Teteksit ishin ata të cilët dominuan dhe krijuan disa raste, por Kirovski, në kontaktin e tij të parë me topin, pasi u fut në lojë si zëvendësues i Idrissous, dërgoi ate në rrjetën e Mançevskit për 2-0 (71`).
Tetë minuta pas këtij goli, pas një goditje të lirë, një futbollist i Shkëndisë luajti brenda zonës me dorë, që më pas Ermedin Adem të ngushtoj shifrat dhe kthej paqartësitë në këtë ndeshje. Por, kuqezinjët u mbrojtën mirë deri në fund dhe triumfuan minimalisht me 2-1, për tri pikë të para në sezonin pranveror dhe fitore të re ndaj rivalit lokal.
Në ndeshjet tjera, kampioni vjeshtor Vardari, pa probleme si mysafir mposhti Sileksin me 3-0, ndërsa kampioni aktual Rabotniçki, me 1-0 ishte më I suksesshëm se Turnova. Me rezultatin identik, Bregallnica si mysafir mposhti Pelisterin, ndërsa xhiroja e 18-të, do të kompletohet nesër, me ndeshjen mes Renovës dhe Metalurgut, e cila do të luhet në orën 14.00. (Mustafa Ademi, TVM2)
KAMPIONATI FUTBOLLISTIK
Liga e parë – java e 18-të
Teteksi – Shkëndija 1:2
Pelisteri – Bregallnica 0:1
Rabotniçki – Turnova 1:0
Sileksi – Vardari 0:3
Nesër, 14.00
Renova – Metalurgu
---------------------------------------------------------
Renditja:
1. Vardari 41
2. Rabotniçki 38
3. Shkëndija 33
4. Sileksi 25
5. Metalurgu 24 (-1)
6. Renova 23 (-1)
7. Turnova 21
8. Pelisteri 18
9. Bregallnica 16
10. Teteksi 6