Kurti: Pas marrëveshjes Lajçak-Bislimi, Kosova pret heqjen e masave nga BE-ja

 

“Kemi një dakordim mes Bislimit dhe Lajçakut dhe kjo duhet zbatuar. Kjo ka të bëjë me deeskalimin. Nuk besoj se pret ndokush që pa u bërë deeskalimi të mbahen zgjidhjet në veri. Por, natyrisht ne jemi duke u përgatitur për zgjedhje të parakohshme. Ndërkaq, për masat që janë marrë ndaj neve e që janë quajtur të parakohshme dhe të kthyeshme, natyrisht që presim ato të hiqen sa më parë dhe është e logjikshme që ato të ndodhin paraprakisht. Nuk bëhet fjalë për kushtëzime, por për rendin logjik të gjërave që duhet ta ketë si hap të parë zbatimin e dakordimit ndërmjet Bislimit dhe Lajçakut për 3 qershorin, i realizuar në Bratislavë që e krijon normalitetin minimal për zgjedhje të parakohshme.”, - deklaroi kryeministri i Kosovës, Albin Kurti.

 

Korriku ishte muaj i deeskalimit, tha Kurti, i cili theksoi se edhe gjatë muajit gusht, megjithëse muaj pushimi, do të punohet për zgjidhjet e parakohshme në komunat në veri.