Ndryshimet kushtetuese, pushteti dhe opozita me akuza të ndërsjella

 

 

“Ndryshimet kushtetuese janë shansi i fundit për Mickoskin dhe DPMNE-në që të rindërtohen në anën e interesave të qytetarëve dhe shtetit dhe të dëshmojnë se janë realisht për anëtarësimin e shtetit në BE. Vota për Evropën është votë për një të ardhme maqedonase më të mirë, më të sigurt dhe më stabile, prandaj të gjithë deputetët duhet të mbështesin miratimin e amendamenteve kushtetuese që përshpejtojnë procesin e integrimit në BE.”, - deklaroi deputeti i LSDM-së, Martin Kostovski. 

 

Por, në këto pohime kanë reaguar nga VMRO-DPMNE-ja të cilat kanë ripërsëritur qëndrimin se ndryshime kushtetuese nuk mund të ketë.

 

“Martin Kostovski, si dhe e gjithë LSD-ja dhe Kovaçevski duhet ta dinë se nuk do të ketë ndryshime kushtetuese nën diktatin e Bullgarisë. Kështu thonë mbi 80% e qytetarëve në Maqedoni dhe prej tyre buron sovraniteti i Maqedonisë. Populli e pa që LSD-ja ka lidhje me vlerat evropiane vetëm kur bëhet fjalë për abuzime me fondet evropiane dhe vjedhje të eurove. Tani e vetmja zgjidhje është që propozimi të hidhet shpejt në seancë plenare, t'i japë fund politikës së tyre irracionale dhe të dëmshme dhe më pas të shkohet në zgjedhje.”, - thuhet në komunikatën e VMRO-DPMNE-së. 

 

VMRO-DPMNE-ja po ashtu ka pohuar se nëse kjo shumicë nuk ka numra për t’i kaluar ndryshimet kushtetuese, atëherë e domosdoshme do të ishte që vendi të shkojë menjëherë në zgjedhje.