Shkup, 60 vite pas tërmetit katastrofal

 

 

“Në fillim ka mbërritur Kryqi i Kuq i Greqisë me ndihma të mëdha humanitare, sidomos me sasi të madhe të fashave për të plagosurit. Menjëherë pas tyre ka ardhur Kryqi i Kuq i Norvegjisë dhe ai danez. Pas tyre ka ardhur Kryqi i Kuq i Gjermanisë, me kuzhina të lëvizshme, të cilat janë vendosur në parkun e qytetit dhe aty një pjesë e madhe e qytetarëve tanë, të cilët i kanë humbur shtëpitë dhe kanë qenë të vendosur nëpër tendat e lagjeve, disa javë radhazi i kanë shfrytëzuar shërbimet e asaj kuzhine.”, - deklaroi Suzana Tuneva Paunovska nga Kryqi i Kuq-Shkup.

 

Shumë ndërtesa që u shkatërruan ishin ndërtuar pa asnjë standard, të papërshtatshme sizmikisht. Një pjesë e ekspertëve thonë se gjatë rindërtimit, zhvillimi urban i qytetit dështoi, nëse Shkupi u shkatërrua nga tërmeti në 63-shin, pësoi pasoja edhe më të rënda në tërmetin e tranzicionit gjatë të nëntëdhjetave, tha dekani i Ndërtimtarisë, Goran Markovski. Në urbanizëm, gabimet paguhen shtrenjtë. Autoritetet e qytetit nuk arritën t’i rezistojnë kapitalit privat dhe për këtë arsye i vuajmë pasojat, tha Markov.

 

“Të përpiqemi të rregullojmë diçka që t’u lëmë gjeneratave të ardhshme ndonjë shansë më të madhe për të ardhmen, që ata të mund t’i përmirësojnë punët.  Ditë pas dite po humbasim betejë pas beteje, në fund frikësohem që do të humbë e gjithë lufta mes kësaj rritjeje, të ashtuquajtur urbanizëm. Dhe ajo që duhet të jetë një e mirë publike, për të mirën e banorëve të Shkupit. Kemi shumë raste të ngjashme, ja p.sh. do të përmend Treskën, është një betejë bashkëkohore që fillojmë ta humbim.”, - theksoi dekani i Fakultetit të Ndërtimtarisë-Shkup, Goran Markovski. 

 

Delegacione të shumta vendosën lule në përmendoren e viktimave të tërmetit. Programe kulturore dhe muzikore janë mbajtur në përkujtim të kësaj ditë në shumë pjesë të qytetit.