Nryshimet kushtetuese, Ramadani: Pritet presion ndërkombëtar

 

 

“Unë jam i bindur se në shtator faktori ndërkombëtarë do të jetë shumë më ekspresiv, presioni do të jetë ndaj VMRO-DPMNE-së në stilin merre ose lere sidomos nga ShBA-të dhe BE-ja, sepse kjo qështje prek interesat amerikane. Veprimi i diplomacisë amerikane është bulldozhere dhe VMRO-ja nuk ka ndonjë potencial që t’i qëndrojë atij presioni dhe Maqedonia, respektivisht, VMRO-DPMNE-ja është një klysh shumë i vogël, pra për t’i qëndruar presioneve nga faktori ndërkombëtar”, u shpreh analisti politik Ismet Ramadani.

 

Ramadani shprehet i bindur se opozita shqiptare nuk do t’i bllokojë ndryshimet kushtetuese, edhe pse nuk janë pranuar kërkesat e tyre. Sipas tij, me veprimin e tyre konstruktiv mund ta bindin faktorin maqedonas, që ta pronojnë së paku largimin e formulimit të turpshëm prej 20 për qind për shqiptarët.

 

“Unë mendoj se opozita shqiptare kërkesën për ndryshimin e 20 për qindëshin dhe nomimin e drejtë të gjuhës shqipe në Kushtetutë është duke e kërkuar në mënyrë të kulturuar dhe me një edukatë politike, e cila u përket shqiptarëve në këtë drejtim. Në këtë rast me moralin politik që e kanë pala maqedonase ndaj shqiptarëve, pikërisht shqiptarët në momente të rëndësishme dhe kyqe dhe vendimtare do të sillen ashtu si duhet të sillen”, theksoi Ramadani.

 

Nga ana tjetër, lideri i VMRO-DPMNE-së dhe deputetët e kësaj partie edhe njëherë në komisionin parlamentar kanë bërë të ditur se nuk do t’i përkrahin ndryshimet kushtetuese.