Maqedoni
Konfirmimi i politikave nga “Standard & Poors”
29.07.2023 16:13
Në periudhën afatmesme, rritja ekonomike në vend do të stabilizohet...
Në periudhën afatmesme, rritja ekonomike në vend do të stabilizohet, ndërsa konsumi privat dhe investimet, duke përfshirë edhe investimet kapitale, do të japin shtysë të theksuar në këtë drejtim. Ndikim shtesë në perspektivat ekonomike do të ketë edhe progresi sa i përket integrimit në BE, gjë që do të kontribuojë edhe në përforcimin e kapaciteteve strukturore dhe institucionale.
Vendi do të vazhdojë me konsolidimin fiskal, uljen e inflacionit dhe mbrojtjen e stabilitetit financiar, si dhe me reformat strukturore, ndërsa borxhi do të ruhet në nivel stabil, thonë nga ministria e financave.
Sipas tyre kjo theksohet në raportin e fundit të Agjencisë “Standard & Poors”, e cila konfirmoi rejtingun kreditor të Republikës së Maqedonisë së Veruit BB- me perspektivë stabile.
“Veçanërisht është e rëndësishme fakti që rejtingu kreditor BB- me perspektivë stabile, të cilin Republika e Maqedonisë së Veruit e ka vazhdimisht që nga viti 2013, ka vijuar të ruhet pavarësisht krizës shëndetësore-ekonomike, si dhe krizës së çmimeve dhe asaj energjetike.Agjencia thekson se është e rëndësishme që të vazhdojnë përpjekjet për reforma strukturore, përforcimi i kapaciteteve institucionale gjatë konsolidimit të njëkohësishëm të politikave të qëndrueshme fiskale, të cilat mund të kontribuojnë edhe në rritjen e rejtingut kreditor. Kriza e vitit 2023 do të ketë ende ndikim, por deficiti buxhetor pritet të jetë më i ulët se në vitin 2022 në nivel prej 4.4%, që është më i ulët se projeksionet qeveritare (4.6%)", thuhet në kumtesën e ministrisë së financave.
Nga Agjencia vlerësojnë se, Ligji i miratuar i Buxheteve do të ndihmojë në përshpejtimin e konsolidimit fiskal. Qeveria është e fokusuar në uljen e kostove, ndërsa reforma tatimore pritet t’i përforcojë të hyrat. Borxhi shtetëror pritet të stabilizohet në periudhën afatmesme.
Në këtë raport, theksohet se Qeveria është e përkushtuar në ruajtjen e nivelit të atraktivitetit të vendit për investimet e huaja direkte, thuhet në kumtesën e ministrisë së financave.
FLORIJE BELULI KAMBERI