Maqedoni
Stina e verës, ndikon tek dëmtimi i syve
29.07.2023 16:35
Valët e të nxehtit ndikojnë jo vetëm në shëndetin e lëkurës dhe flokëve...
Valët e të nxehtit ndikojnë jo vetëm në shëndetin e lëkurës dhe flokëve, por edhe tek sytë tanë. Sytë janë vazhdimisht të ekspozuara ndaj papastërtive, ndotjes, ajrit të nxehtë, rrezeve të diellit dhe rrezeve UV.
Një nga problemet më të zakonshme të syve me të cilat përballen njerëzit gjatë valës së të nxehtit është tharja e syve, dhe infeksionet alergjike thotë oftalmologu Nadi Rrustemi.
Ai thekson se pacientët me alergji të syve kujdes të bëjnë kontrollat në mjek që mjekimi të jetë adekuat.
“Edhe sytë janë jashtëzakonisht të prekur në kohën e verës ,duhet të kemi parasyshe se në këtë stinë kemi infeksine të shumta për të cilat duhet të kemi kujdes sidomos në këtë kohë të infeksioneve alergjike që paraqiten edhe tek fëmijët edhe tek të rriturit ku duhet një kujdes i veçantë ku pavarësisht etiologjis së sëmundjes tek rastet e sëumndjes me alergji pacienti duhet të gjejë shkaktarin e alergjisë duke pasur parasysh se të gjitha infkesionet mjekohen por te alergjitë duhet të gjendet shkaktari që mjekimi të jetë adekuat”, u shpreh Nadi Rustemi, kirurg oftalmolog.
Duke pasur parassysh të nxehtin e madh shumica e qyetetarëve posacërisht fëmijët i frekuentojnë pishinat e vendit, ku dhe infeksionet janë më të kapshme për pacientët e ndijshëm me sytë.
“Fëmijët gjatë kohës së verës i vizitojnë edhe pishinat ku mund të marrin edhe infeksione të ndryshme të cilat mund të barten edhe tek pacientët e tjerë duhet të jetë një kujdes i madh që të bëjnë vizitë tek oftamologu për të marrë terapinë adekuate që të mos kemi komplikime të këtyre sëmundjeve”, theksoi Rustemi.
Oftalologu Rustemi me këtë rast thekson që pavarësisht stinës së verës disa ndërhyrje kirurgjike duhet të realizohen tek sytë që të mos vie deri te dëmtimi apo humbja e të pamurit.
VLORA LATIFI TOPOJANI