Tifozët e çmendur sulmojnë me armë zjarri ekipin e futbollit!

Ndeshja e lamtumirës e mbrojtësit uruguaian Diego Godin përfundoi me humbjen e ekipit të tij Velez Sarsfield ndaj Huracan, duke shkaktuar një incident të dhunshëm të dielën, pasi disa nga tifozët e vetë klubit argjentinas sulmuan me egërsi lojtarët, duke i sulmuar me armë.

Kur skuadra u kthye në kampin e tyre stërvitor në stadiumin Villa Olimpica disa orë pas ndeshjes, ata pësuan një vizitë brutale nga mbështetësit e klubit, pasi makinat i zunë pritë disa prej lojtarëve.

Sulmuesi Gianluca Prestianni tha: Ne mbërritëm në stadium për të marrë makinat tona dhe për të shkuar në shtëpi. Ne dolëm dhe ishte errësirë kur na dolën përballë makinat e ‘Barra Brava’. Isha shumë i frikësuar dhe shokët e mi të skuadrës nuk donin të shkonin në shtëpi në rast se do të ndiqeshin. Ata madje i thanë njërit prej tyre: ‘Dil nga makina ose unë do të të qëlloj dy herë në këmbë’.