Rusia deklaron Norvegjinë shtet jomiqësor

 

Një hap i tillë i përkeqëson edhe më shumë marrëdhëniet e Rusisë me Perëndimin.

 

Qeveria ruse e ka publikuar urdhrin të enjten, përmes së cilit e kufizon në 27 numrin e stafit lokal që mund ta angazhojë misioni diplomatik norvegjez në Rusi.

 

Ministria e Jashtme e Norvegjisë ka thënë se ende nuk ka marrë informacion zyrtar nga autoritetet ruse, por që nuk ka bazë në deklarimin se Norvegjia është jomiqësore kundrejt Rusisë.

 

“Situata e sotshme është shkaktuar nga lufta e Rusisë në Ukrainë. Vetë Rusia mund të zgjedhë t’i japë fund luftës”, ka thënë ministrja e Jashtme norvegjeze, Anniken Huitfeldt.

 

Që nga viti 2021, Rusia ka vënë në listën e shteteve jomiqësore Shtetet e Bashkuara, Republikën Çeke, Greqinë, Danimarkën, Slloveninë, Kroacinë dhe Sllovakinë.