Taravari: Ende ka gjasa për ndryshimet kushtetuese

Lideri i Aleancës për Shqiptarët, Arben Taravari është optimist se ende ka gjasa të realizohen ndryshimet kushtetuese.

Ai tha se nëse kjo nuk realizohet, atëherë do të jetë një moment i ri, i cili, do të duhet të shqyrtohet në organet partiake.

I pyetur rreth subjektit të ri politik të Izet Mexhitit, Taravari, tha se nuk vlerëson që ajo e dëmton partinë që ai drejton.

Ndërsa ai nuk sheh asgjë tragjike në takimet e tij me kreun e BDI-së, Ali Ahmeti, duke theksuar se ASH komunikon me të gjitha partite, përveç me Levicën.