Ndryshimet klimatike ndikojnë më shumë tek fëmijët

Ndryshimet klimatike ndikojnë tek të gjithë personat përfshi fëmijët thotë mjeku Harkan Memedi. Ai thekson se aktualisht është dominant virusi i barkut që po prek më shumë grupmoshat e reja. Rekomandon për kujdes më të madh në këtë periudhë në përgaditjen e ushqimit, hidrimin gjatë ditës dhe marrjen e mineraleve dhe vitaminave.

 

“Kohën e fundit me këtë virus që është bërë aktual kemi diare, jashtqitje dhe të vjellura, por nuk mungon edhe paraqitja e temperaturës së lartë trupore. Këto tre simptome janë më të shpeshta kohëve të fundit mirëpo me dhënien e terapisë simptomatike siç është rehidrimi, pierja e antipiretikëve normal ndihmon dhe për disa ditë këto viruse sanohen.”, tha mjeku Harkan Memedi.

 

Qytetarët e mirëpresin uljen e temperaturave, ndërsa theksojnë se përpiqen t’u përmbahen rekomandimeve të autoriteteve shëndetësore. 

 

“Mirë ndjehem se shum pak rri këtu në qytet, unë jetoj në Bllacë.”, u shpreh një qytetar.

 

“Ndryshimi i kohës ndikon në mua, kam plogështi, por unë e marr terapinë në kohë.”, tha një qytetar.

 

“Mirë nuk më pengon mua, po i marr barërat ja kam ardh te mjeku.”, u shpreh një qytetar.

 

Ndryshimi i motit ndikon si tek moshat e shtyera ashtu edhe tek fëmijët, mjekët apelojnë për kujdes të shtuar në këtë periudhë dhe marrjen e terapive në kohë, për të evituar problemet e mundshme shëndetësore.