Kufiri Poloni-Bjellorusi, Polonia gati 10 mijë ushtarë

 

“Rreth 10.000 ushtarë do të jenë në kufi, prej të cilëve 4.000 do ta mbështesin Gardën Kufitare dhe 6.000 do të jenë rezervë”, ka thënë ministri në një intervistë për radion publike.

 

“Ne do ta afrojmë ushtrinë më afër kufirit me Bjellorusinë për ta dëbuar agresorin, ashtu që të mos guxojë të na sulmojë”, ka thënë Blaszczak.

 

Zëvendësministri i Brendshëm, Maciej Vasik, ka thënë të mërkurën se Polonia do t'i dërgojë 2.000 trupa shtesë në kufi me Bjellorusinë.

 

Polonia është e shqetësuar për kufirin e saj, prej kur qindra pjesëtarë të grupit mercenar rus Vagner, kanë arritur në Bjellorusi muajin e kaluar, me ftesë të liderit të shtetit, Alexander Lukashenko.

 

Bjellorusia është duke i vazhduar stërvitjet ushtarake afër kufirit këtë javë, derisa presidenti Lukashenko ka thënë disa herë se po frenon pjesëtarë e Vagnerit që po synojnë sulm ndaj Polonisë.