Zbuloni kush qytet “mban fronin” si më i ndoturi në botë

Kryeqyteti i Indonezisë Xhakarta është qyteti më i ndotur në botë, sipas një studimi të ri, dhe presidenti i vendit mund ta konfirmojë më së miri pasi është sëmurë.

 

Ministrat në vendin e Azisë Juglindore konfirmuan këtë javë se presidenti Joko Widodo po luftonte me kollën prej javësh dhe sugjeruan se kjo mund të lidhet me përkeqësimin e ndotjes së ajrit në qytetin prej 10 milionë banorësh.

 

Lajmi erdhi vetëm disa ditë pasi kompania zvicerane IQAir publikoi të dhëna që tregonin se cilësia e ajrit të Xhakartës ishte përkeqësuar javët e fundit duke u bërë më e keqja në botë.

 

 

Uno tha se mjekët ishin ende duke diagnostikuar shkakun e kollitjes së Widodo-s, por shtoi se kjo mund të lidhet me përkeqësimin e cilësisë së ajrit, raportoi CNN.

 

Të nesërmen, Ministri i Shëndetësisë Budi Gunadi Sadikin vuri në dukje gjithashtu se presidenti po luftonte me një kollë dhe tha se ministria e tij po shtonte testet në popullatën e përgjithshme për të parë nëse kishte pasur një rritje të sëmundjeve të mushkërive dhe të frymëmarrjes si astma në zonat shumë të ndotura.

 

“Ne po monitorojmë situatën”, u tha Budi gazetarëve.

 

“Të gjitha raportet për ndikimin e ndotjes së ajrit në shëndetin publik do të koordinohen me ministritë dhe agjencitë zyrtare përkatëse për vlerësim,” shtoi ai.