Ushtria e RMV-së shënon 31 vjetorin, Pendarovski: Anëtarësimi në aleancë, përfitim

Funksionar të lartë shtetëror shënuan 31 vjetorin e themelimit të Armatës së RMV-së, e cila për të katërtin vit me radhë është anëtare e NATO-s, garantuese e sigurisë dhe integritetit të shtetit.

Presidenti i shtetit, Stevo Pendarovski theksoi se Armata ka dëshmuar se është partnere e denjë në misionet ndërkombëtare dhe se anëtarësimi në Aleancë është përfitim por edhe detyrim për të respektuar vlerat demokratike.

“Përveç detyrave kryesore, ushtria ka mbështetur gjithmonë institucionet kompetente në përballjen me fatkeqësitë natyrore dhe fatkeqësitë, zjarret dhe përmbytjet, deri në periudhat më kritike të pandemisë Covid-19. Besimi nuk blihet me para, as me forcë, por fitohet me punë të përkushtuar. Krimi dhe korrupsioni janë kërcënimi më i madh për shoqërinë dhe qytetarët, nevojiten reforma” – tha Presidenti i RMV-së, Stevo Pendarovski.

Nga Mbrojtja theksuan se Maqedonia sot ka një sistem modern dhe të aftë të sigurisë për t'iu përgjigjur rreziqeve të ndryshme që mund të paraqiten. 

Kovaçevski: Investojmë në mbrojtje e siguri

Kryeministri Dimitar Kovaçevski tha se buxheti i mbrojtjes është 1,85 për qind e BPV-së dhe është 24 për qind më i lartë se buxheti i vitit të kaluar. Sipas tij investimi në mbrojtje është investim në sigurinë e qytetarëve dhe shtetit.

“Lidhja e fortë dhe besimi dhe respekti i ndërsjellë për Armatën nga qytetarët na inkurajon, por edhe na jep detyrë në të ardhmen si Qeveri që të bëjmë gjithçka, në mënyrë që Ushtria të ketë gjithçka që i nevojitet për të vazhduar të zhvillohet fuqishëm. Integrimi në strukturat evropiane është në krye të prioriteteve. Para nesh është realizimi i një qëllimi tjetër strategjik, anëtarësimi në BE” – u shpreh Kryeministri i vendit, Dimitar Kovaçevski.

Vitin e ardhshëm, sipas planit, dy për qind të BPV-së do të ndahen për mbrojtjen. Në samitin e fundit të NATO-s u vendos që ndarja minimale për mbrojtje të jetë dy për qind, por pragu i sipërm nuk u specifikua.

Presidenti Stevo Pendarovski gjatë ceremonisë së sotme i shpërbleu 13 pjesëtarë të Armatës me medalje për pjesëmarrje në operacione humanitare apo paqësore jashtë territorit të vendit, ndërsa 60 pjesëtarëve të Armatës që morën pjesë në përballjen me pasojat e tërmetit katastrofik në Republikën e Turqisë u dha medalje për guxim.

Po ashtu, presidenti shpalli dekretet për gradimin në gradën gjeneral, ndërsa ministrja Petrovska gradat dha gradën kolonel. (Armend Murseli, TVM2)