Liga e Konferencës, Struga TL mbetet në udhëkryq për stadiumin
Kampioni i vendit Struga Trim Lum, mbrëmjen e kaluar arriti të sigurojë kualifikimin në fazën e “play offit” të Ligës së Konferencës së UEFA, por megjithatë sa i përket fushës së ku do ta luajë ndeshjen e radhës ka shumë dilema.....
Ndeshja Struga TL -Breidablik, e vlefshme për fazën “play-off” të Ligës së Konferencës së UEFA-së, do të luhet në datën 24 gusht. Çdo gjë është e njohur por ka vetëm një paqartësi se në cilin stadium do të luhet kjo ndeshje që mund të jetë epike për të ardhmen e struganëve.
Drejtori sportiv i kësaj skuadre, para ndeshjes me Esperanzh, tha se ndeshja e radhës do të luhet në “Elbasan Arena”.
Krahas informatave jozyrtare se ndeshja në fjalë do luhet në “Elbasan Arena” dhe se vendimi është marrë në konsultimin mes UEFA-s, FFM-së dhe FShF-së, nga shtëpia e futbollit vendor për servisin publik thonë se ende është herë të thuhet se ku do të luhet ndeshja.
FFM-ja, këmbëngul që ndeshja të luhet në terren vendas. Inspektimet e fundit nga UEFA, dëshmuan se asnjë stadium në vend përfshirë edhe arenën “Todor Proevski” në Shkup, nuk plotëson kriteret e qeverisë së futbollit europian për ndeshjet e kësaj faze.
Arena “Todor Proevski” është mbyllur për të gjitha ngjarjet sportive dhe po kryhen punimet për sanimin e terrenit për ndeshjet eliminatore të shtatorit.